Learning Management System — LMS

ለድህረ ምረቃ (ማስተርስ ) ትምህርት ፈላጊዎች እና አመልካቾች በሙሉ!
የዳማት ኮሌጅ በ2016 የትምህርት ዘመን በመደበኛ፣ በማታ እና በሳምንት መጨረሻ መርሃ-ግብሮች መስፈርቱን የሚያሟሉ አመልካቾችን ምዝገባ እያካሄደ መሆኑ ይታወቃል፡፡ ስለዚህም ትምህርት ሚኒስቴር ባወጣው መመሪያ መሰረት አገራዊ የድህረ ምረቃ ፕሮግራም የመግቢያ ፈተና እንደሚሰጥ ማሳወቃችን ይታወሳል። አመልካቾች ከትምህርት ሚኒስቴር በተላለፈው መመሪያ መሠረት የሚከተሉትን ጉዳዮች ማወቅና መተግበር የሚጠበቅባችሁ መሆኑን ከወዲሁ አጥብቀን እያሳወቅን ፈተና የሚሰጥበት ቀን እየቀረበ ስለሆነ አመልካቾች ፈጥናቹ በዳማት ኮሌጅ ብቻ የሚሰጠውን Hospitality Management ፕሮግራም በመመዝገብ ይማሩ።
የመግቢያ ፈተና የሚሰጠው ከመስከረም 21 እስከ 23 ቀን 2016 ዓ.ም በአዲስ አበባ ዩኒቨርሲቲ በበይነ-መረብ (online) የሚሰጥ መሆኑን፣
ሁሉም ተፈታኞች በአዲስ አበባ ዩኒቨርሲቲ በተዘጋጀው Graduate Admission Testing (GAT) የመመዝገቢያ ፖርታል https://portal.aau.edu.et ከመስከረም 11 እስከ 20 ቀን 2016 ዓ.ም ድረስ ባለው ጊዜ ውስጥ ብቻ በበይነ-መረብ (online) ማመልከት የሚገባቸው መሆኑን፣
ተፈታኞች በአዲስ አበባ ዩኒቨርሲቲ የመግቢያ ፈተና (GAT) የመመዝገቢያ ፖርታል ገብታቹ ስታመለክቱ የመፈተኛ ጣቢያችሁን አዲስ አበባ ዩኒቨርሲቲ ብላቹ እድትሞሉ እና ሌሎች መረጃዎችን በትክክል ተጠንቅቃቹ መሙላት የሚጠበቅባቹ መሆኑን፣
ተፈታኞች በGAT የመመዝገቢያ ፖርታል ገብተው ሲሞሉና ሲያመለክቱ ፈተናውን ለመውሰድ የሚያስፈልገውን ክፍያ ብር 1000.00/አንድ ሺህ ብር/ በቴሌ ብር አካውንት በኩል ብቻ የሚከፍሉ በመሆኑ ከወዲሁ የቴሌ ብር አካውንት መክፈት እና ዝግጁ ማድረግ የሚጠበቅባቸው መሆኑን፣
ተፈታኞች የፈተና ፕሮግራሞችና ተያያዥ መረጃዎችን በአዲስ አበባ ዩኒቨርሲቲ ድኅረ- ገጽና ፖርታል www.aau.edu.et እና https://portal.aau.edu.et እንዲሁም ከዚህ በፊት ባሳወቅናቹ ኦፊሻል የቴሌግራም ቻናል ማግኘት የምችሉ መሆኑን፣
ለፈተና ለመቀመጥና ፈተናውን ለመውሰድ ተፈታኞች ፎቶዋቸው ያለበትን Test Admission Ticket (TAT) ከ (http://portal.aau.edu.et/web/applyForAdmission/TestTaker)
አውርዳቹ እና ፕሪንት አድርጋቹ መያዝ የሚጠበቅባቹ መሆኑን፣
የፈተና ውጤት ተፈታኞች ፈተናቸውን ሲጨርሱና በመጨረሻ መልሳቸውን ሲያስገቡ ወዲያውኑ ማየት የሚችሉ መሆኑን፣
የመግቢያ ፈተና የማለፍያ ነጥብ በትምህርት ሚኒስቴር የሚወሰን መሆኑን፣
ድግሪ ፕሮግራም ከዳማት ውጪ የተሙሮ የመግቢያ ፈተና ያለፈ አመልካች ኦፊሻል ትራንስክሪፕት /Official Transcript/ ከቀድሞ ተቋሙ በፖስታ ሳጥን ቁጥር 33620 (Damat Hotel and Business College
P.O. boxe 33620) በኩል ከምዝገባ ወቅት ጀምሮ እስከ 90 ቀናት ባለው ጊዜ ውስጥ ብቻ ማቅረብ የሚጠበቅበት መሆኑን እንገልጻለን፡፡

ዳማት ኮሌጅ